IAC:
Góðan daginn, allir. Við erum Íslendingafélagið í Chicago. Við erum hér með Jenna Sciuto, sem er prófessor og rithöfundur. Hún ætlar að aðstoða mig við að tala við Branislav Bédi frá Stofnun Árna Magnússonar í íslenskum fræðum í Reykjavík.
Jenna er með doktorsgráðu í ensku frá Northeastern-háskólanum. Hún er prófessor í ensku við Massachusetts College of the Liberal Arts og sérhæfir sig í íslenskum, suðurríkja- og karabískum bókmenntum. Hún hefur skrifað tvær bækur, Intersecting Worlds og Policing Intimacy. Og hún lærði íslensku við Árnastofnun fyrir nokkrum vikum síðan.
Jæja, velkomin!
Jenna:
Já, og takk. Gaman að vera hér. Við tölum við Branislav Bédi í dag. Hann er verkefnisstjóri á alþjóðasviði Stofnunar Árna Magnússonar í íslenskum fræðum í Reykjavík á Íslandi. Þessi verkefni snúast um kennslu í íslensku í heiminum, samstarf um vefauðlindina Icelandic Online og þróun kennsluefnis fyrir íslensku sem annað tungumál á ýmsum öppum og kerfum. Á hverju ári skipuleggur hann alþjóðlegan sumarskóla í íslensku máli og menningu. Og ég var bara nemandi í þessum sumarskóla.
IAC:
Já, svo Branislav, mig langar að segja velkominn og takk fyrir að koma í dag.
Branislav:
Já, takk fyrir og takk fyrir að bjóða mér í þennan þátt. Það er gaman að tala við ykkur og það er gaman að vita að allir geta hlustað á okkur á bæði íslensku og ensku.
IAC:
Já, við erum glöð að þú sért hérna. Já, en Branislav, geturðu sagt okkur frá starfi þínu hjá Stofnun Árna Magnússonar og helstu verkefnum þínum?
Branislav:
Já, það get ég gert. Ég er sem sagt verkefnisstjóri og ég starfa hjá Stofnun Árna Magnússonar í íslenskum fræðum og helstu verkefnin mín snúast um rannsóknir á sviði íslensku sem annars máls. Og ég hef meðal annars líka umsjón með íslenskukennslu við háskóla erlendis á heimsvísu. Og líka hef ég umsjón með styrkjum Snorra Sturlusonar og styrkjum til íslenskunáms við Háskóla Íslands fyrir erlenda námsmenn sem vilja koma til landsins að læra íslensku á BA-stigi.
IAC:
En þú kennir í sumarskólanum líka?
Branislav:
Já, einmitt. Og hann er haldinn alltaf í júlí og Jenna tók þátt í þessum sumarskóla í ár.
Jenna:
Já, það var gaman.
IAC
IAC:
Já, það var gaman að fá þig þangað. Og líka, hvað fékk þig til að vinna við íslensku sem annað tungumál?
Branislav:
Hvað hvetur mig? Í dag er það náttúrulega allt þetta góða fólk í kringum mig. Ég er með mjög góða samstarfsmenn sem ég vinn með á þessu sviði og líka er það áhugi sem fólk hefur, eða áhugi á íslensku sem ég sé alls staðar í heiminum í rauninni.
Það eru svo margir sem vilja læra íslensku eða læra um Ísland, um íslenska menningu eða bókmenntir. Það er jafnvel bara að læra meira um landið og náttúruna. En allt þetta fólk hvetur mig til að vinna áfram í starfi mínu.
Jenna:
Geturðu sagt okkur meira frá alþjóðlega sumarskólanum í íslensku máli og menningu?
Branislav:
Já, ég get gert það. Þessi sumarskóli heitir í dag Alþjóðlegur sumarskóli í íslenskri tungu og menningu og fagnar 40 árum í ár. Sem sagt, þessi sumarskóli á 40 ára afmæli í ár, sem er í rauninni mikilvægt vegna þess að þessi sumarskóli er einn af elstu sumarskólum í Evrópu.
Og á hverju ári fáum við mjög marga hingað til lands að læra íslensku í þessum sumarskóla. Og yfirleitt fáum við um hundrað umsóknir á hverju ári. En við getum samþykkt aðeins 40 til 45 nemendur sem geta komið hingað að læra íslensku.
En þessi sumarskóli er bæði fyrir byrjendur og fyrir lengra komna. Það þýðir að við erum með tvo hópa og nú veit ég ekki í hvaða hópi þú varst hérna. Ég held að þú hafir verið hjá lengra komnum, er það ekki?
Jenna:
Jú.
Branislav:
Já, þú varst þar hjá lengra komnum, einmitt. Og allir sem sækja þennan sumarskóla læra íslensku annars vegar og hins vegar líka um íslenska menningu, bókmenntir, sögu Íslands og náttúru.
Við erum með 80 tíma, sem þýðir 70 tíma fyrir íslenskukennslu og 10 tíma fyrir gestafyrirlestra um menningu, bókmenntir, sögu Íslands og svo framvegis. Og svo erum við með tvær dagsferðir þar sem við skoðum náttúruperlur Íslands á Reykjanesskaga og förum á söguslóðir, til dæmis á Borgarnes eða í Reykholt, og svo förum við að skoða Þingvelli.
En það sem ég vil segja er að þessi sumarskóli er fjögurra vikna skóli og fólk lærir á hverjum degi frá morgni, klukkan níu til klukkan hálf tvö eða til klukkan tvö eftir hádegi. Og þetta eru fjórar vikur og þetta getur verið mikið álag fyrir alla, bæði fyrir nemendur að læra eitthvað nýtt og líka fyrir kennara að kenna svona langa daga á hverjum degi.
En ég held að þetta sé allt saman mjög skemmtilegt. Ég held að þú getir sagt okkur meira um það. Ég held að þetta sé líka skemmtilegt fyrir nemendur að vera saman í einum hópi allan þennan tíma og kannski finna nýja vini og svo framvegis og spjalla við fólk frá mismunandi löndum í heiminum sem kemur hingað til lands.
Við fáum fólk frá Bandaríkjunum og Kanada. Í ár var fólk líka frá Brasilíu, til dæmis. Við fengum líka fólk frá Mexíkó, frá Argentínu og ég held að það hafi verið frá mismunandi löndum í Evrópu eða Asíu, eða jafnvel Ástralíu, eða Mið-Austurlöndum.
Já, þannig að það er mikil kennsla í þessum sumarskóla en ég held að fólk læri líka mikið þar.
Jenna:
Já, einmitt, ég er sammála. Mér fannst mikilvægt sem nemanda í sumarskólanum að læra líka um íslenska menningu og samfélagið. Geturðu sagt okkur af hverju þú kennir þetta auk tungumálsins?
Branislav:
Já, ég segi það að forveri minn, sem heitir Úlfar Bragason, hann er prófessor emeritus í dag, hannaði þetta námskeið sem við sjáum í núverandi formi í dag.
Ég er líka sammála því að menning er mikilvægur partur af tungumáli og að það sé mikilvægt að læra um menningu á meðan fólk lærir nýtt tungumál. Þannig að hann hannaði þetta námskeið fyrir 30 árum og við höfum haft þetta þangað til í dag.
Og ég ætla ekki að breyta þessu af því að mér finnst þetta mjög gott. Skipting á, sem sagt, tungumálakennslu og kennslu um íslenska menningu er mjög góð og ég mun bara halda áfram að bjóða upp á svona kennsluskrá á næstu árum.
Jenna:
Okei, já, takk fyrir það. Þú hefur rannsakað íslensku sem annað tungumál. Hvað hjálpar fullorðnum nemendum mest?
Branislav:
Það er góð spurning. Ég er bara… það náttúrulega fer eftir því á hvaða stigi fólk er, hvort þetta er fólk sem er að byrja að læra íslensku eða er aðeins lengra komið. Eins og þú, Jenna, þú ert líka í þeim hópi. Þú talar íslensku og þú ert lengra komin, sem sagt, í íslenskunni.
Það sem er mikilvægt að fólk viti, þeim sem gera það ekki, er að æfing skapar meistara. Og það er gott að nota tungumálið. Að nota tungumálið, að lesa bækur á íslensku, horfa á kvikmyndir, tala við fólk á íslensku.
En ef þetta er ekki nóg, náttúrulega, þá er alltaf hægt að skrá sig í akademískt nám við einhvern háskóla þar sem boðið er upp á BA-nám í íslensku, til dæmis við Háskóla Íslands. Og það eru fleiri háskólar í heiminum sem gera það og kannski halda á því stigi að læra aðeins meira um íslensku við háskóla í einhverju landi.
IAC:
Ég ætla bara að grípa fram í. Hér er ég sammála, já. Ég elska að lesa, og … Ég hef lesið bækurnar … og The Building at the End of the World just recently, sem eru með … Svo já, ég er sammála með að lesa.
Svo, hvaða mistök gera nemendur oft þegar þeir læra íslensku? Og hvernig geta þeir forðast þau?
Branislav:
Já, mistökin. Þetta er mjög góð spurning vegna þess að ég, sem kennari til dæmis, ég elska mistök. Og ég held að mistökin hjá nemendum séu þau að þeir vilja ekki gera mistök.
En nemendur þurfa að gera mistök til þess að læra eitthvað og komast áfram í því sem þeir eru að gera. Þannig að mistökin hjá þeim eru að þeir vilja strax tala fullkomlega íslensku, sem er ekki hægt. Það tekur tíma að læra nýjan orðaforða, að læra málfræði og framburð og svo bara tala.
Og mistökin eru líka þau, að mínu mati, að þeir eru hræddir um að gera villur. Það er allt í lagi að gera mistök og það má gera mistök.
Og mistökin eru líka þau að þeir oft gleyma að biðja um leiðréttingu. Það er alltaf gott að segja fólki að bara láta leiðrétta sig, sérstaklega þegar fólk þekkir þetta fólk. Það eru vinir sem fólk getur talað við á íslensku. Það er alltaf gott að segja vinum sínum: „Heyrðu, viltu ekki bara leiðrétta mig stundum þegar ég tala íslensku?“ Og það hjálpar mikið.
Auðvitað er ekki hægt að leiðrétta alltaf og allan tímann, en stundum kemur það vel á móti þegar maður fær einhverja leiðréttingu til baka. Já, þannig að þetta eru mistökin, held ég, sem nemendur oft gera.
Jenna:
Jú. Það er rétt. Hvaða námsefni og úrræði mælir þú með fyrir nemendur á miðstigi sem læra utan Íslands? Kannski Icelandic Online?
Branislav:
Já. Ég veit ekki. Ná, þess að þegar fólk er algjörlega byrjendur, kannski getur það notað Icelandic Online. En það sem ég mæli með er að vera með einkatíma á netinu, að finna kennara sem getur sem sagt kennt fólki annaðhvort í hóp eða einstaklingum í íslensku, hafa einkatíma við þennan kennara og spjalla. Fá þá til að spjalla við sig á íslensku.
Og náttúrulega, eins og ég sagði áður, þá er best að hlusta á íslensku í sjónvarpi eða horfa á íslenskar kvikmyndir og líka lesa bækur og finna smá hljóðbækur líka.
IAC:
Já, svo Branislav, mig langar að segja takk fyrir að taka þátt í dag. Og loksins, hvað ertu að gera næst? Og hvar getur maður fundið verkefnin þín á netinu?
Branislav:
Já, ég er að rannsaka núna, sko. Ég er að vinna saman með hópi rannsakenda að búa til forrit sem hjálpar fólki sem er að læra íslensku að læra íslenskan framburð. Og þetta verkefni heitir Nýrómur.
Og við erum að hanna nýjan vef eða nýtt smáforrit fyrir þá sem vilja læra íslenskan framburð. Þetta er í rauninni það nýjasta verkefni sem ég er í og vinn með öðru fólki frá Háskóla Íslands, Háskólanum í Reykjavík og einu fyrirtæki sem heitir Vísindaverkefni… [óskýrt í afritinu].
Og þetta er, já, það nýjasta í rauninni. Og fólk getur fundið upplýsingar um þetta verkefni sem heitir Nýrómur á netinu og líka seinna í greinum, fræðilegum greinum, sem við hópurinn ætlum að skrifa saman og birta í tímaritum.
IAC:
Geturðu sent okkur þessa vefsíðu, eða hlekkina?
Branislav:
Já, ég get gert það.
IAC:
En ég ætla að setja þá í show notes og líka á Facebook og … Svo já, Branislav, takk fyrir þig. Þetta var gaman.
Branislav:
Takk sömuleiðis. Þetta var mjög gaman að spjalla við ykkur.